Os pronomes e possessivos (mi/mia, vi/via, li/lia…), o jogo de telefone e o jardim dos Hansen.
Karlo kaj Lisa sidas kaj ludas. Ili ne ludas per la pupo de Lisa, ankaŭ ne “indianojn”, sed “telefonon”. Karlo ne havas telefonon. Nur Lisa havas, sed ĝi estas la telefono de la pupo.
Karlo kaj Lisa ludas “telefonon”
Karlo: Mi estas Karlo Hansen. Kiu estas vi?
Lisa: Mi estas Lisa. Mi estas malgranda knabino. Kio estas vi?
Karlo: Mi estas granda knabo. Mi loĝas en Kopenhago. Kie loĝas vi?
Lisa: Ankaŭ mi loĝas en Kopenhago.
Karlo: Vi loĝas en Kopenhago; mi loĝas en Kopenhago. Per aliaj vortoj: ni ambaŭ loĝas en Kopenhago. Ĉu vi ludas per pupo?
Lisa: Ne, mi nun ne ludas per pupo, sed per telefono! Ni ambaŭ ludas “telefonon”.
Karlo: Ĉu vi kaj Vera havas multajn pupojn?
Lisa: Ne, mi havas nur unu, kaj Vera havas tri. Per aliaj vortoj: ni havas nur kvar pupojn.
Karlo: Ĉu vi havas nur kvar pupojn? Ĉu vi ambaŭ nun ludas per ili?
Lisa: Ne, ne Vera kaj mi ludas, sed vi kaj mi. Vera nun ludas pianon. Ŝi havas bonan humoron. Ĉu ankaŭ vi nun havas bonan humoron?
Karlo: Mi ĉiam havas bonan humoron. Ĉu ankaŭ vi?
Lisa: Jes, mi havas bonan humoron, nun kaj ĉiam.
Karlo: Ni tri gefratoj ĉiam havas tre, tre bonan humoron. Ni ja havas bonajn gepatrojn. Ankaŭ ili ĉiam havas bonan humoron.
Karlo: — Lisa, ĉu vi nun havas bonan apetiton?
Lisa: Jes, nun mi havas grandan kaj bonan apetiton. Mi estas malsata, tre malsata.
Karlo: Ankaŭ mi estas tre malsata. Ĉu ankaŭ Nini estas malsata?
Lisa: Jes, ĝi estas malsata, se vi havas bonan ĉokoladon!
La multaj vortoj de Lisa
Lisa havas liton. Ĝi estas malgranda, tre malgranda. Ŝi sidas en la malgranda lito kaj ludas per Nini, la pupo. Ŝi ludas, ke Nini estas la infano, kaj ke ŝi estas la patrino. Ŝi diras:
— Mi havas pupon; ĝi estas mia pupo; ĝia nomo estas Nini.
Karlo havas hundon; ĝi estas lia hundo; ĝia nomo estas Pluto.
Vera ne havas hundon; ŝi havas katon; ĝi estas ŝia kato; ĝia nomo estas Mimi.
Mi havas unu fraton kaj unu fratinon.
Ili havas malgrandan fratinon.
Ilia malgranda fratino estas mi.
Mia patro estas ilia patro, kaj ilia patrino estas mia patrino.
Sed iliaj bestoj ne estas miaj bestoj.
Mia pupo ne estas ilia.
Ĝia nomo ne estas Pluto; ĝia nomo ankaŭ ne estas Mimi.
Nini estas ĝia nomo.
Nini estas mia infano, sed ĝi ne estas ilia.
Karlo, vi havas malgrandan fratinon.
Ŝi ne estas via pupo, sed via fratino.
Pluto estas via, sed mia pupo ne estas via.
La nigra besto estas la kato de Vera.
Ankaŭ ŝi havas pupojn.
Sed ŝiaj pupoj ne estas miaj.
Karlo, vi estas mia frato, kaj vi estas ankaŭ la frato de Vera.
Vi estas nia frato.
Nia patro havas la nomon Adam, kaj nia patrino havas la nomon Eva.
Niaj gepatroj estas gesinjoroj Hansen.
Ili estas tre bonaj.
La kato diras “miaŭ”. La hundo diras “vaŭ”. Mia pupo ne diras “miaŭ”. Ĝi ankaŭ ne diras “vaŭ”. Mi sidas en mia lito kaj diras multajn vortojn. Karlo diras, ke miaj vortoj ne estas interesaj. Vera diras, ke mi havas grandan fantazion. Karlo diras ankaŭ, ke li havas multajn kamaradojn. Li ludas “indianojn” kun la kamaradoj, sed mi ne ludas kun liaj kamaradoj. Karlo kaj Vera ne ofte ludas kun mi. Ili ludas kun grandaj knaboj kaj grandaj knabinoj. Ne ofte la knabinoj ludas kun Karlo kaj liaj kamaradoj.
Gesinjoroj Hansen
S-ino Hansen estas la edzino de S-ro Hansen, kaj li estas ŝia edzo. Ili estas geedzoj. Ili havas domon. Ĝi ne estas granda, sed nur malgranda. Ĝi ne estas en la centro de la urbo, sed en la periferio. La adreso de la familio Hansen estas Zamenhof-strato 3, Kopenhago, Danlando. La domo estas bela kaj moderna. Ĉirkaŭ la domo ne estas parko, sed ĝardeno, bela ĝardeno. En la ĝardeno kreskas multaj rozoj kaj aliaj floroj. Rozoj estas tre belaj floroj. En la ĝardeno kreskas ankaŭ multaj arboj kaj arbustoj. Multaj arboj portas fruktojn. Ili estas fruktarboj. Ok (8) portas pomojn, du portas pirojn. En la ĝardeno de Ges-roj Hansen estas dudek (20) arboj. Nur dek (10) el ili portas fruktojn. La aliaj ne estas fruktarboj. Ok el dek fruktarboj estas pomarboj, kaj du el dek fruktarboj estas pirarboj. La fruktoj de la arbustoj estas beroj. Bero estas malgranda frukto. Pomo estas granda frukto. Kelkaj beroj estas ruĝaj, aliaj estas nigraj. Arboj kaj arbustoj havas branĉojn. La branĉoj de la arboj estas grandaj, sed la branĉoj de la arbustoj estas malgrandaj. La branĉoj portas foliojn. Kelkaj branĉoj portas multajn, aliaj portas nur malmultajn foliojn.
— Ĉu Karlo kaj Vera estas geedzoj?
— Ne, ili ne estas geedzoj, sed gefratoj.
— Ĉu Karlo havas edzinon?
— Ne, li ne havas edzinon. Ankoraŭ ne. Li estas ja nur knabo.
— S-ino Hansen, kiom da knaboj vi havas?
— Mi havas nur unu.
— Kiom da knabinoj vi havas?
— Mi havas du.
— Vera, kiom da pupoj vi havas?
— Mi havas tri pupojn.
— S-ro Hansen, kiom da personoj estas en via familio?
— En mia familio estas kvin personoj: mia edzino kaj mi, nia filo Karlo kaj niaj filinoj Vera kaj Lisa.
— Kiom da bestoj havas la familio?
— Ĝi havas nur du bestojn, la katon kaj la hundon.
— Kie loĝas vi, S-ro Hansen?
— Ni loĝas en Kopenhago, Zamenhof-strato 3.
— Ĉu en Kopenhago ekzistas nur unu familio Hansen?
— Ne, en Kopenhago ekzistas multaj familioj Hansen.
La nomo estas tre ordinara.
— Kiom da pirarboj kreskas en la ĝardeno?
— En nia ĝardeno kreskas nur du pirarboj, sed ok pomarboj.
— Kiuj ludas “telefonon”?
— Karlo kaj Lisa ludas “telefonon”.
— Kiu ludas pianon?
— Vera.
— Kia estas ŝia humoro?
— Ĝi estas bona.
— Kia estas la apetito de Karlo?
— Ĝi estas ne nur granda, sed tre, tre granda.
— Kiom da knabinoj kun la nomo Lisa ekzistas en Eŭropo?
— ??? Mi ne scias.
— Kiom da hundoj ekzistas en via lando?
— Mi ne scias.
— Ĉu vi scias, ke S-ino Eva Hansen estas la edzino de S-ro Adam Hansen?
— Jes, mi scias.
— Ĉu vi scias, kie loĝas Karlo, Vera kaj Lisa?
— Jes, mi scias. Ili loĝas en Zamenhof-strato 3.
— Ĉu vi scias, kia estas la koloro de la Esperanto-stelo?
— Jes, ĝi estas verda.
— Ĉu vi scias la nomon de la ĉefurbo de Islando?
— Jes, ĝia nomo estas Rejkjaviko.
— Ĉu vi scias ankaŭ la nomon de la lando inter Francujo, Italujo, Aŭstrujo kaj Germanujo?
— Jes, ĝi estas Svisujo.
Perguntas pessoais e de conhecimento — o 👁 traz uma sugestão.
Múltipla escolha — clique numa opção em cada frase e depois toque em ✔ Kontroli.
Mi havas pupon; ĝi estas ______ pupo.
Karlo havas hundon; ĝi estas ______ hundo.
Vera havas katon; ĝi estas ______ kato.
Pluto estas la hundo de Karlo; ______ koloro estas blanka.
Karlo kaj Vera: ______ gepatroj estas ges-roj Hansen.
Ni havas domon; ĝi estas ______ domo.
La kato ______ “miaŭ”.
Multaj arboj portas fruktojn. Ili estas ______.
Ok arboj portas pomojn — ili estas ______.
Bero estas ______ frukto.
Originala titolo: Pezinho · Tradicia, rikoltita de Paixão Côrtes