Os parentes: kuzo, onklo, avo, bo-… o acusativo dos pronomes (min, vin, lin) e kial/ĉar.
S-ino Hansen havas fraton. La nomo de la frato estas Jansson, Tom Jansson. Li havas edzinon kaj du infanojn. La nomo de la infanoj estas Petro kaj Pia. Petro estas knabo, Pia estas knabino.
La familio Jansson loĝas en Malmo. Malmo estas urbo en Svedujo. La distanco inter Kopenhago kaj Malmo ne estas granda, sed malgranda. Inter ili estas maro. La nomo de la maro estas Oresund.
La familio Jansson ofte vizitas Kopenhagon, kaj ĝi vizitas ankaŭ la familion Hansen. Ili estas parencoj: S-ro Jansson estas la frato de S-ino Hansen. S-ino Hansen estas la bofratino de S-ino Jansson, kaj S-ro Hansen estas la bofrato de S-ro Jansson. La patrino de S-ino Hansen estas la bopatrino de S-ro Hansen. Ŝi estas ankaŭ la bopatrino de S-ino Jansson. La patro de S-ino Hansen estas la bopatro de S-ro Hansen kaj de S-ino Jansson. La nomo de la bopatro estas ankaŭ Jansson, Ture Jansson. Li estas la avo de Karlo, Vera kaj Lisa. Li estas ankaŭ la avo de Petro kaj Pia.
La bopatrino de S-ro Hansen estas la avino de la kvin infanoj. La geavoj havas nur unu filon kaj unu filinon. La filo estas S-ro Jansson, kaj la filino estas S-ino Hansen. S-ro Hansen estas ilia bofilo kaj S-ino Jansson estas ilia bofilino. S-ro Jansson estas la onklo de Karlo, Vera kaj Lisa. S-ino Jansson estas ilia onklino. Petro estas la kuzo de Karlo, Vera kaj Lisa; kaj Pia estas ilia kuzino.
Karlo vizitas la familion Jansson en Malmo. Ĝi havas grandan modernan domon kun bela ĝardeno. Karlo kaj liaj gekuzoj ludas en ĝi. Ankaŭ unu el la kamaradoj de Petro estas en la ĝardeno. Lia nomo estas Helge. Li vizitas Petron kaj Pian, sed li ankoraŭ ne konas Karlon. Nun li scias, ke la familio Jansson havas parencojn en Kopenhago. Li diras al Pia:
— Pia, ĉu vi havas multajn parencojn en Kopenhago?
— Jes, mi havas miajn geonklojn kaj gekuzojn.
— Kio estas la nomo de via kuzo?
— Lia nomo estas Karlo, kaj la nomo de miaj kuzinoj estas Vera kaj Lisa.
— Ĉu vi konas viajn kuzinojn?
— Jes, mi konas ilin. Ili estas belaj kaj bonaj knabinoj.
— Ĉu ili konas ankaŭ vin?
— Jes, ili konas min; ili konas nin ambaŭ, Petron kaj min.
— Ĉu vi konas Kopenhagon?
— Jes, mi konas ĝin. Ĝi estas bela kaj interesa urbo.
Tre interesa estas Tivoli. Ĉu vi konas ĝin?
— Jes, mi konas ĝin. Ĝi estas parko en la centro de la urbo.
Ĝi havas pantomimo-teatron, karuselojn, muzikon kaj speciale bonan humoron.
— Ĉu via onklino en Kopenhago estas la fratino de via patrino?
— Ne, ŝi estas la fratino de mia patro. Nun ŝia nomo estas Eva Hansen.
— Kie loĝas viaj geavoj?
— Ili loĝas en Norda Svedujo. Ni ne ofte vizitas ilin, ĉar la distanco estas granda. Sed ili vizitas nin.
— Kia estas via onklo en Kopenhago?
— Li estas tre, tre bona. Ni amas lin. Ni amas ankaŭ nian onklinon.
— Ĉu vi amas ankaŭ…
Nun ankaŭ Karlo kaj Petro estas ĉe Pia. Petro diras al Karlo:
— Karlo, ĉu vi ankoraŭ havas vian hundon?
— Jes, mi ankoraŭ havas ĝin. Ĉu vi ankoraŭ scias ĝian nomon?
— Jes, ĝia nomo estas Pluto.
— Ĉu vi ankaŭ scias, kia estas ĝia koloro?
— Jes, ĝi estas blanka.
— Ĉu vi konas ankoraŭ mian malgrandan fratinon?
— Jes, mi konas ŝin, sed ŝi ne konas min. Sed ĉu vi konas mian kamaradon Helge?
— Ne, mi ne konas lin.
Petro prezentas Helge al Karlo. Pia diras al Karlo, ke Helge estas ankaŭ ŝia bona kamarado.
Helge, Pia kaj Petro estas Malmo-anoj. Karlo estas Kopenhag-ano. Karlo estas dano, ĉar li loĝas en Danlando. Helge, Pia kaj Petro estas svedoj.
Helge diras, ke kelkaj el liaj parencoj estas norvegoj, kaj ke aliaj estas amerikanoj. Unu el liaj kamaradoj estas germano, sed li nun loĝas en Svedujo. Li ludas pianon. Li havas grandan talenton.
— Ĉu ankaŭ vi ludas pianon, Karlo? — demandas Helge.
— Ne, respondas Karlo — kaj demandas: “Helge, ĉu vi ludas?”
Helge respondas: “Mi ne ludas, ĉar mi ne havas talenton.”
— Kaj li demandas: “Kial vi ne ludas?”
— Ĉar ankaŭ mi ne havas talenton! Kial vi ne ludas, Pia?
— Mi ludas, respondas Pia, sed nur per radio-aparato, ĉar ĝia muziko ĉiam estas bona, tre, tre bona.
Mia piano-muziko estas tre malbona.
Ŝi demandas lin, kial li ne havas radio-aparaton. Helge respondas: “Miaj gepatroj havas aparaton, sed mi havas gramofonon, malgrandan fraton, bonan liton, bonan humoron kaj — grandan apetiton.” Pia diras: “Ankaŭ mi. Mi estas nun malsata kiel hundo!” Petro respondas, ke li estas malsata kiel elefanto. Kaj li invitas ilin al la domo, kie estas limonado kaj kukoj.
Ankaŭ en la domo ili diskutas. Unu demandas kaj la aliaj respondas. Karlo diras:
— Helge, vi havas gramofonon, malgrandan fraton, bonan liton kaj bonan humoron. Kial vi ne havas hundon kiel mi?
— Ĉar se mi havas hundon, la humoro de mia malgranda frato kaj la apetito de mia patrino ne estas bonaj.
Karlo demandas Pian: “Kial vi ne havas katon kiel Vera?”
Ŝi respondas: “Ĉar mia patrino diras, ke mi mem estas kato.”
S-ro Jansson invitas la kvar geknabojn al kinejo, kie ili rigardas interesan filmon kaj aŭskultas bonan muzikon. La nomo de la filmo estas “Mia hundo kaj mi en Gronlando”. Kun granda intereso ili rigardas la belan naturon de Gronlando, kaj ili aŭskultas kun granda intereso la vortojn. La homoj en Gronlando estas eskimoj aŭ Gronland-anoj. Ili havas multajn hundojn. La aŭtomobilo de s-ro Jansson portas Karlon al la ŝipo Malmo—Kopenhago.
En Zamenhof-strato 3, Lisa demandas la grandan fraton:
— Kio estas la nomo de mia kuzino?
— Karlo respondas, ke ŝia nomo estas Pia.
— Kial ŝi estas sveda?
— Ĉar ŝi loĝas en Svedujo.
— Ĉu Petro estas granda aŭ malgranda knabo?
— Li estas granda.
— Ĉu Pia havas multajn pupojn?
— Mi ne scias, ĉu ŝi havas multajn aŭ malmultajn pupojn.
— Ĉu eskimoj estas amerikanoj aŭ angloj?
— Ili ne estas angloj, ankaŭ ne amerikanoj.
Ili estas danoj, ĉar Gronlando estas parto de Danlando kiel Jutlando kaj Bornholm.
— Kie en la mondo estas Gronlando?
— En la norda parto.
— Ĉu la mondo estas granda aŭ malgranda?
— Lisa, la mondo estas tre, tre granda.
— Ĉu miaj svedaj gekuzoj vizitas la kinejon ofte aŭ malofte?
— Mi ne scias.
Objeto leva -n: konas min, amas lin.
Responda por escrito e toque em 👁 para ver uma resposta modelo.
Múltipla escolha — clique numa opção em cada frase e depois toque em ✔ Kontroli.
Petro estas la ______ de Karlo.
Pia estas la ______ de Karlo.
S-ro Jansson estas la ______ de Karlo.
Ture Jansson estas la ______ de Karlo.
S-ro Hansen estas la ______ de S-ro Jansson.
Ili konas ______ (mi).
Ni amas ______ (li).
“Kial vi ne ludas?” — “____ mi ne havas talenton.”
Helge, Pia kaj Petro estas ______.
Gronlando estas parto de ______.
Originala titolo: Gentil primavera · Tradicia infankanto